хайх үгээ бичих

Дэлхийн мэдээ

ОХУ: Хөлбөмбөгийн ДАШТ-ий үеэр 25 сая кибер халдлага гарчээ

Түгээх

Хөл бөмбөгийн “ДАШТ-2018” тэмцээний үеэр ОХУ-ын мэдээллийн дэд бүтэц рүү тус тэмцээнтэй холбоотой 25 сая орчим удаагийн цахим халдлага болсныг зогсоосон гэж тус улсын Ерөнхийлөгч Владимир Путин мэдэгджээ.

Тэрбээр өчигдөр ДАШТ-ий аюулгүй байдлыг хангах Хэлтэс хоорондын үйл ажиллагааны удирдах газар дахь Олон улсын хамтын ажиллагааны төвийн төлөөлөгч нартай уулзсан байна. ОХУ нь түүхэндээ анх удаа Хөл бөмбөгийн “ДАШТ-2018”-ыг эх орондоо 6 дугаар сарын 14-нөөс 7 дугаар сарын 15-ны хооронд амжилттай зохион байгууллаа. Тус тэмцээний тоглолтууд ОХУ-ын нийслэл Москва, Санкт-Петербург, Сочи, Казань, Саранн, Калининград, Волгоград, Ростов-дон, Нижний Новгород, Екатеринбург, Самара зэрэг 11 хотын цэнгэлдэх хүрээлэнд болсон. ОХУ-ын шигшээ баг шөвгийн дөрөвт үлдэх шатны тоглолтоо 7 дугаар сарын 7-нд Хорватын шигшээ багтай хийж, тоглолтын үндсэн болон нэмэлт цагт гоолын тоогоор тэнцэн /2-2/, улмаар торгуулийн цохилтоор тоглолтын хувь заяаг шийдсэн билээ.

Таны сэтгэгдэл

Your email address will not be published. Required fields are marked *