хайх үгээ бичих

Видео мэдээ Мега төслүүд Уул уурхай

ВИДЕО: Таван Толгойн ЦАХИЛГААН СТАНЦЫН төслийг танилцуулж байна

Түгээх

 

ZOX.MN – Таван Толгойн нүүрсний бүлэг ордод түшиглэн байгуулах 450 мегаваттын хүчин чадал бүхий “Таван Толгой цахилгаан станцын мега төсөл”-ийг “ХӨГЖЛИЙН ХӨТӨЧ” нэвтрүүлгээр танилцуулж байна. Энэ станц нь Төвийн бүсийн цахилгаан эрчим хүчний 67.3 хувь, Улаанбаатар хотын дулааны эрчим хүчний хэрэглээний 60.3 хувийг дангаар хангадаг ТЭЦ-4-тэй дүйцэхүйц хүчин чадалтай байгуулагдах Таван Толгой цахилгаан станц нь Монгол Улсын хөгжил, нийгэм эдийн засагт өндөр ач холбогдолтой, тэр дундаа эрчим хүчний салбарт бүхэлд нь дэвшил авчрах төсөл юм.

Эрчим хүчний нүүрсний асар их нөөцтэй Таван Толгойн бүлэг ордод байгуулах энэхүү цахилгаан станцыг барих шийдвэрийг Монгол Улсын Засгийн газраас 2013 онд гаргасан. Мөн ондоо “Таван Толгойн Цахилгаан станцын төслийн нэгж”-ийг Эрчим хүчний сайдын тушаалаар байгуулсан юм. Мега төслийн гол зорилго нь Өмнөговь, Ухаа худаг, Оюу Толгой болон орон нутгийн иргэдийг найдвартай, байнгын эрчим хүчээр хангах, БНХАУ-аас импортолдог эрчим хүчийг багасгах, бүс нутгийн эрчим хүчний аюулгүй байдлыг хангах билээ.

Таны сэтгэгдэл

Your email address will not be published. Required fields are marked *