хайх үгээ бичих

Эрэн сурвалжлах

ЭЦГ: Цахим орчинд иргэдийг залилсан 20 этгээдийг тогтоожээ

Түгээх

Цахим орчинд олны анхаарлыг татсан олон мэдээлэл явдаг. Хэн нэгний цахим хаягийг ашиглан мөнгө зээлээч хэмээн залилдаг талаарх сэрэмжлүүлэг мэдээлэл тасраагүй. Харин цагдаагийн байгууллага энэ талаарх албан ёсны мэдээллийг өчигдөр хэвлэлийнхэнд өглөө.

ЦЕГ-ын Эрүүгийн цагдаагийн албаны Гэмт хэргээс урьдчилан сэргийлэх тасгийн дарга, цагдаагийн хошууч С.Ариунболор “2017 он гарсаар сошиал орчинд худалдааны сайт ажиллуулж бусдыг залилан мэхэлсэн 90 орчим гомдол мэдээллийн дагуу цагдаагийн байгууллага шалгаж байна. Мөн цахим орчин дахь залилангийн хэрэг эрчээ авлаа. Тухайлбал, тухайн хүний сошиал хаягаар сонирхол татсан холбоос мэдээллийг хэн нэгэн явуулдаг. Уг линкээр ороод дараагийн хөтөлж орсон линк дээр фэйсбүүк аккаунт нэр болон паспортоо оруулснаар иргэд өөрийнхөө мэдээллийг алдаж байна. Найз нөхдийнх нь хаягаар өөр хүн орж яаралтай мөнгөний хэрэг гарлаа. Энэ данс руу шилжүүлээч гэсэн хуурамч хүсэлт явуулдаг. Энэ тохиолдолд иргэд утсаар болон бусад хэлбэрээр мэдээллийг баталгаажуулахгүйгээс хохирох нь элбэг байна. Цагдаагийн байгууллагаас энэ төрлийн гэмт хэрэг үйлдсэн байж болзошгүй 20 хүнийг тогтоогоод байна” гэлээ.

Таны сэтгэгдэл

Your email address will not be published. Required fields are marked *